Brain HealthZiabetes (Yani) Pishaab Ka Kasrat Se Ana
Diabetes Treatment Hakim Ajmal Khan
Diabetes
Diabetes Ka Ilaj. Aaj kal ye bimari es qadar aam hai ke sainkron ashkhaas es mohlik marz ka shikaar ho rahy hain lekin jaha tak gor kiya geya hai parhany likhny or dimaghi mehnat karny waly ashkhaas mein eski shikayat ziyada pai jati hai q k gurdon ka nazam-e-asbi or dimagh ke sath gehra taluq hai or esi wajah se dimaghi kaam karny waly log es mein ziyada mubtala hain.
For More Information Contact Us: Call OR Whatsaap: 923210008963
Asbaab: Garm cheezon ke ziyada istimaal karny se mehnat mushaqat or dimaghi kamon ki ziyadati or mubashrat ke kasrat se gurdon ki hararat barh jati hai jis ki wajah se gurdy ziyada pani jazab karty hain or zaf ki wajah se puri tarha hazam nahi kar sakty or bila tagayyur ke chor dety hain jis se ye shikayat paida ho jati hai.
Alamaat: Ye marz do qisam ka hota hai. Ek ye ke jis mein pishaab phika hota hai or pani ki tarha saaf or ziyada miqdar mein hota hai or wazan mein ba nisbat sehat ke halka hota hai or es mein shaker nahi hoti na kisi qisam ki boo or zaiqa hota hai. Ye aksar kharji sardi ki wajah se hota hai mareez lagar or zaeef ho jata hai. Dusri qisam mein pishaab kasrat se ata hai or es ka rang sharbati hota hai or es mein shakar ati hai jis ki wajah se pishaab par makhiyan or chiontiyan bohat jama ho hoti hai or pishaab ki boo or zaiqa mitha hota hai.
Gurdon ke muqam par baz waqt sozish or jalan maloom hoti hai. Moo khushk hota hai piyas ki shiddat hoti hai. Pishaab baar baa rata hai jis ki miqdaar bhi ziyada hoti hai or bhook ziyada hoti hai magar khana kam hazam hota hai. Mareez zaeef or dubla hota jata hai. Chand roz tak agar ye marz reh jaye to gurdon ki charbi tehleel ho kar pishaab ke sath kharij hony lagti hai or azaa mein khushki barh kar mareez ki janbari mushkil ho jati hai. Masana mein dard hota hai or aksar qabz ki shikayat hoti hai. Baz dafa sham ke waqt hararat bhi ho jati hai or quwwat-e-bah zaeel ho jati hai.
Ilaaj: Pishaab ki ziyadati ka asal sabab maloom kar ke rafa karny ki koshish karein. Qism-e-awwal mein jo mehaz barudat kharji ki wajah se ho to zahir badan ko garm karein or majoon Falasfa mein khabas-ul-hadeed or kushta beiza murgh 1-1 qurs mila kar khain. Ya Mastagi juft baloot kundar 1-1 masha Safoof kar ke majoon Falasfa ya majoon kundar 7 masha mein mila kar khilain or maghaz panba dana 1 tola raat ko garm pani mein bhigo kar subha ko zalal nithar kar Sharbat Bazuri 4 tola mila kar pilain or baiza murgh 2 adad sirka mein bhigo kar dusry din subha ko es ka uper ka chilka utaar kar andon ko tor kar zardi or sufaidi dono khilain. Uper se maghaz panba dana wala nuskha jo uper tehreer ho chuka hai pilain.
For More Information Contact Us: Call OR Whatsaap: 923210008963
Qism dom mein jo hararat ki ziyadati ki wajah se ho ye nuskha pilain. Tukham Khashkhash sufaid tukham kahu, kishneez khushk, khurfa siyah zarurad har ek 3 masha pani mein pees kar shira nikaal kar Sharbat Nilofar 4 tola mein mila kar pilain. Ya Safoof sandal Ziabetes wala 7 masha phanka kar aab anar meikhosh 5 tola ya dahi ka pani 5 tola ya aab lokaat 5 tola mila kar pila diya karein. Ya Safoof khusht wala ya Safoof Ziabetes 7 masha aab anar meikhosh 5 tola ke hamra subha ko istimaal karain or qurs kushta Zamurd 1 adad Jawarish amla anbari 5 masha mien mila kar khilana bhi mufeed hai or bheir ke doodh ka dahi jama kar barf se thanda kar ke dena bhi mufeed hai or sandal sufaid gulnaar aqaqiya gul Armani gond Katira Tabashir gul-e-mahtoom basad ahmar, rab-ul-soos, shaadnaj adsi magsool, tukham khurfa maqshar, khar-e-khushk, sat gillo, salajit, kushta Qalai, tukham Khashkhash, tukham khiyareen, maghaz kadu shirin har ek 3 masha le kar sab ko koot chaan kar Safoof banain or 1 tola es mein se subha ko phanka kar aab anar meikhoosh 5 tola or aab lokaat 5 tola mila kar pila diya karein or sandal sufaid, gulnaar aqaqiya, gul Armani or jao ka atta har ek 6 masha le kar gulab or aab kasni sabz mein pees kar gurdon ke muqaam par laip karain.
Pishaab ki shakar kam karny or rokny ke liye ye Safoof istimaal karain. Galuye khushk 3 masha or gur maar buti 3 masha Safoof kar ke ham wazan kachi khaand mila kar phanka kar uper se aab kadu sabz 5 tola ya aab anar meikhoosh 5 tola ya dahi ka pani 5 tola Sharbat Nilofar 2 tola mila kar pila diya karein or qurs Kafoor 4 masha ya qurs Tabashir 4 masha khila kar post faalsa shakri 1 tola raat ko bhigo kar subha ko nithaar kar Sharbat anar shirin 2 tola ya misri 2 tola mila kar pilana bhi mufeed hai. Shiddat-e-piyaas ko rafa karny ke liye pani se baar baar kuliyan karain or gargara karain ya aab limoo ya dahi ka pani bhi piyaas ko rafa karta hai or kanghi buti 1 tola Safoof kar ke phanka kar uper se chaach 10 tola pila dena bhi mufeed hai. Ziabetesi 5 qurs rozana pani se khilana bhi mufeed hota hai or khasta jamun 3 masha pees kar pilana ya post andruni gular 1 tola pani mein bhigo kar nithaar kar pilana ya post andruni gular or khasta jamun ka Safoof hare k 3 masha 1 tola kachi khaand mila kar phankany se bhi nafa hota hai.
Or khasta jamun ko 5 tola ko koot chaan kar Safoof kar ke es mein afion 1 masha mila kar goodh kar qurs bana lein or es mein se 2 masha roz khilana mojrab hai.
Or ye Safoof ka nuskha bhi mufeed hai. Galuye khushk 2 tola khasta jamun 2 tola kushta Qalai 3 masha Marjan 3 masha sadaf Marwareed 3 masha gul-e-surkh, gulnaar, gul Armani, tukham Khashkhash sufaid, tukham khurfa, asal asoos maqshar gul-e-gaozaban, samagh arabi Katira, tukham kahu maqshar 1 tola afion khalis 4 masha sab ko koot chaan kar afion mila kar es mein se 3 masha roz subha ko pani ke hamra phanka diya karein or kushta murakab 4 chawal, Jawarish Zaruni 7 masha mien mila kar khilana ya kushta Faulad 1 qurs kushta Zamurd 1 qurs Jawarish Zaruni anbari 7 masha mein mila kar dena bhi mufeed hai. Taqwiyyat ke liye hab khas 1 adad bad ghiza deni chahiye.
Parhaiz: Qism awwal mein chawal thandy pani or barf ke istimaal se or thandi cheezon se parhaiz karein. Qism dom mein garm or mithi cheezon ke khany se dhoop mein phirny se mehnat-o-mushaqat ke kaam se parhaiz karein. Ghost, anda, teil, baingan or machli wagaira khana or mubashrat karna es marz me muzar hai.
Ghiza: Kadu khurfa, palak tarki, moong arhar ki daal, chapatti, anar, lokaat, seib, nashpati, angoor or biscuit naan pao kha sakty hain or kasni ke patton ki bajiya bana kar khilana bhi mufeed hai. Jis had tak mumkin ho shira barnaj or nishasta dar cheezein istimaal na karein. Roti choker yani bhoosi kip aka kar istimaal karein.