Brain HealthGurda or Masana Ki Pathri or Rait
Kidney or Gall Balder Stone
Unani Treatment Kidney Stone (Hakim Ajmal Khan)
Renal Stone
Gurda ya Masana mein rait ya Pathri ka paida ho jana bhi nihayat sakht takleef de or mohliq-o-pareshan kun bimari hai jis waqt ye rait ya Pathri Gurdey ya Masana mein chabti hai ya halbeen ke rastey gurda se Masana ki taraf jati hai to mareez dard ke marey pareshan ho jata hai or bari baat ye hai ke nihayat dushwari ke sath ilaaj pazeer hoti hai.
Asbaab: Martoob or ghaleez ghizaon ke ziyada khaney ki wajah se ghaleez ratubaat jin ke andar arziat ya matti ke ijza ka ghalba hota hai. Kabhi gurdon mein or kabhi Masana mein ek arsa tak ekatha ho kar parey rehtey hain. Hararat jism mein se lateef ijza ko urra deti hai or khalis arziat baqi reh jati hai jo raig ya Pathri paida honey ka bais hoti hai.
For More Information Contact Us: Call OR Whatsaap: 923210008963
Alamaat: Raig ya Pathri aksar gurdon or Masana mein hi bana karti hain or kabhi halbeen mein bhi kankariya pai jati hain jo gurdon se Masana ki taraf aaty huwey rasta mein atak jati hain. Pathri ibtada mein choti moong ya chaney ke daney ke barabar hoti hai. Agar gurda or Masana ki darmiyani rah se guzar kar Masana mein aa jaye to es mein pishaab ke ratubaat ghaleez teh ba teh jam kar kuch arsa mein ek bari Pathri bana detein hain lekin kabhi ye daney Gurdey mein hi ban kar reh jatey hain or rafta rafta gurda hi mein barh kar Pathri ban jati hai. Jab kabhi Pathri Gurdey me ho ya Gurdey se raig aati ho to qamar mein dhirey dhirey dard hota hai jis ki tisein khusiya, raan or kabhi hashfa tak pohanch jati hain. Bhagney dorney ya oont ki sawari karney se dard mein siddat ho jati hai. Pishaab ki baar baar hajat hoti hai or pishaab mein khoon mila huwa aata hai ya pishaab ke baad khoon ata hai. Baaz dafa qabz ho jati hai or mareez ko baar baar qey aati hai. Jab dono gurdon mein bari bari pathriya majood ho to Gurdey pishaab ko dafa nahi kar saktey or pishaab band ho kar mareez mar jata hai or jab Pathri Masana mein hoti hai to Masana ke muqaam par bojh maloom hota hai or pishaab karney ke baad aisa maloom hota hai ke Masana mein abhi pishaab majood hai. Pishaab aksar ghaleez ata hai. Chalney phirney ya koi zor ka kaam karney se takleef hoti hai. Raig gurdon se aksar Surkh rang ki kharij hoti hai or Masana se sufaid or bhurey rang ki sham ko pishaab kar ke agar shishey ya chini ke kisi saaf bartan mein moo band kar ke rakh dein to subha ko es mein Surkh ya bhurey rang key a sufaid ijza dikhai detey hain.
Ilaaj: Jab pishaab mein raig ya choti choti pathriya kharij hoti ho to mareez ko hidayat karein ke pishaab ko kuch arsa tak rokey rakhey phir ek tapp mein garm pani bhar kar mareez ko tapp mein bitha dein or mareez se kahein ke tapp mein zor se pishaab karey es amal se aksar raig-o-kankar kharij ho jaya kartey hain or hajr-ul-yahood 1 masha sang sarmahi 1 masha aab barg turb sabz 1 tola mein ghis kar Jawarish Zaruni anbari banuskha kalan 5 masha mein mila kar awwal khila kar uper se hab-ul-qalt 3 masha doqu 3 masha kaknaj 3 masha aalu balu 3 masha arq ananas 12 tola mein shira nikaal kar chaan kar Sharbat Bazuri 4 tola mila kar chand roz pilain or dawa-e-sang gurda 1 ratti 2 tola sikanjabin Bazuri mein mila kar raat ko sotey waqt kha liya karein ya Pathri tori buti 1 tola pani mein pees kar chaan kar Sharbat Bazuri 4 tola mila kar pila dein or kushta hajrul yahood 1 ratti Jawarish Zaruni 7 masha mein mila kar awwal khila kar tukham khurpaza 5 masha tukham khiyareen 5 masha khar khask 5 masha hab-ul-qalt 5 masha pani mein pees kar shira nikaal kar Sharbat Bazuri 4 tola mila kar pilana bhi mufeed hai or hajrul yahood, sang sarmahi, Namak turb, juwakhar badiyan hare k 3 masha nakhood siyah 5 masha khar khask, maghaz chilghoza, maghaz khiyareen, maghaz badam har 1-1 tola koot chaan kar Safoof banain. 6 masha Safoof mein hamwazan misri mila kar subha-o-sham arq ananas 12 tola ya arq badiyan 12 tola ke hamra phanka diya karein or Nankhawa 1.5 tola tukham karafs 1.5 tola tukham jarjeer 3 masha koot chaan kar Safoof banain or 5 masha roz Sharbat Bazuri 4 tola ke hamra phanka diya karein or hab-ul-qalt tukham turb, hajrul yahood sang sarmahi har ek 2 masha sab ko bareek pees kar Sharbat Bazuri 4 tola mila kar chata diya karein ya sang sarmahi 1 masha hajrul yahood 1 masha Jawarish Zaruni 7 masha mein mila kar khilain or uper se satar farsi 1 tola noshadar 4 ratti pani mein pees kar aagh par rakhein jab darida ho jaye to saaf saaf hissa ko chaan kar pilain or kabootar ki bit pani mein josh de kar garm garm natool karna ya kabootar ka shikam chaak kar ke garm kar ke Masana par baandhna bhi Pathri ko nikaal deta hai ya jugnu 4 adad jo aksar raat ko chamka kartey hain un ke par alehda kar ke saya mein khushk karein es ke baad heeng 4 ratti pani 4 tola mein hal kar ke es pani ke hamra jugnu halq ke andar utaar lein to nihayat faida bakhsh hai. Ya bhatal buti taza 1 tola filfil siyah 5 dana pani mein pees kar shira nikaal kar subha ko pilana or gul tessu gul kasam, tukham kharpaza, tukham khiyareen, khar khask 6-6 masha pani mein paka kar es ka natool karna or baqiya sifal ko neem garm Gurdey ya Masana par dard ki jagah bandh dena bhi mufeed hai agar dard ki takleef ziyada ho to Taskeen-e-dard ke liye heeng 1 masha tukham Khashkhash 1 masha ya afion 4 ratti koknar 1 adad pani mein pees kar dard ki jagah zamad karein or ye nuskha bhi mufeed hai.
Shora qalmi 3 tola lohey ke kurchey mein daal kar aagh par rakhein ba’ada gandhak 1 tola ko pees kart hora thora es par chirkein jab shora misal pani ho jaye us waqt tanbey ke bartan me daal kar harkat dein or sard honey ke baad pees kar rakhein. Es mein se masha roz khila kar uper se mooli ke sabz patton ka 10 tola pani Sharbat Bazuri 2 tola mila kar pila diya karein or hajrul yahood, sang sarmahi, shora qalmi or jawakhar hare k 1-1 masha bareek pees kar Jawarish Zaruni 7 masha mein mila kar khilana or uper se arq ananas 12 tola Sharbat Bazuri 4 tola mila kar pilana bhi mufeed hai.
Or hajrul yahood siyaal 5 boond sang sarmahi siyaal 5 boond noshadar siyaal 5 boond pani mein mila kar pilana bhi mufeed hai.
Or Roghan aqrab 1 masha ahleel ke surakh mein tapkana bhi Pathri ko tor kar nikaal deta hai or ye Roghan bhi mufeed hai. Rewand chini, saad kufi, khubtiyana rumi, post bekh kaneer sab ko koot kar Roghan badam talkh mein mila kar ek bottle mein dalein or ek hafta tak dhoop mein rakhein. Ba’ada saaf kar ke aqrab zinda 10 adad es mein daal kar dubara ek hafta tak dhoop mein rakhein. Ba’ada saaf kar lein waqt-e-zarurat es mein se chand qatrey ahleel ke surakh mein tapkain or thora sa Masana ke muqaam par malna bhi mufeed hota hai.
For More Information Contact Us: Call OR Whatsaap: 923210008963
Agar Pathri ke barey ho janey ke wajah se takleef ziyada honey lagey or adwiyaat se faida na ho to kisi tajurba kaar doctor se amal jarahi ke zariye Pathri nikalwani chahiye.
Parhaiz: Saqeel badi or deir hazam or ghaleez cheezon maslan Aalu, arwi, ard ki daal baajra ki roti, baingan, masoor ki daal wagaira se parhaiz karein or baaz ashkhaas ko naram hadiyon ke chanbey or kachey chawal or chaliyah chabaney ki adat hoti hai. Baaz aurtein chikni mitti ya multani mitti khaya karti hain lekin yaad rakhna chahiye ke es qism ki cheezon ke istimaal se bohat jald Pathri paida ho jati hai. Ayyam-e-reham mein jo aurtein mitti khaya karti hain un ke bachon ke bhi Pathri ho jati hai.
Ghiza: Mamool ke tor par bakri ke gosht ka shorba chapatti ke sath khilana or nakhud aab Roghan badam, gaiye ka ghee, pista, anjeer, tarbooz, mooli, arhar ki daal, andey ki zardi, naan pao or biscuit wagaira hasb-e-adat dein.
Note: Ye marz aurton ki nisbat mardon or boorhon ko ba nisbat bachon ke ziyada huwa karta hai.