Ehtelam ka Ilaj In Urdu

Kasrat-e-Ehtalam Ya Bad Khawabi ka Ilaj In Urdu

Night Discharge:

Ehtelam ka ilaj jannay say pehlay es k bary mein kuch malomaat hona bohat zaroori hein. Aam tor par khawab mein shaitaan ka ana es marz ko kehty hain lekin haqiqatan ye faasidana khiyalat or aashiqana tafakkurat ka par too hota hai. Khasusan jabkey jalq ya kasrat-e-majamat ke sabab se aazu-e-tanasul zaki-ul-his ho jatey hain to neend ki halat mein tabiyat faasid khiyalaat se mutasir ho kar kisi manoos shakal ko paish kar deti hai or anzaal ho jata hai.

Asbaab:

Khiyalaat ka faasid rehna mujrid rehna, jalq or kasrat-e-majamat chit sona, qabaz, bad hazmi, ziyada khana ya pait mein keeron ka hona es ke asbaab hain.

Kasrat E Ehtelam Ki Alamaat:

Ahtelam (Nocturnal Emission) ki barah e rast to koi aisi alaamt nhi ky jinhain es sy bazahir jora ja saky lakin kuch khas alaamt hein jo aam tor pr ehtelam ki wajah banti hein

• Har dusri ya teesri raat ko kabhi har raat ko or shiddat marz mein ek raat mein 2-2 baar or kabhi din ko bhi khawab ki halat mein anzaal ho jaya karta hai.
• Jazbati masail
• Jinsi khayalaat
• Susti kahli or kamzori barh jati hai
• Bechaini or pareshaniyan
• Bad Khawabi
• Qamar mein dard ki shikayat ho jati hai
• Ahtalam ki keifiat yaad nahi rehti
• Neend ka na ana
• Raat ky waqat paseena ana
• Peshab karny main dushwari
• Mareez ko pishaab jal kar ata hai.

Ahtelam Sy Bachny Ki Kuch Ehtiyatain:

• Hamesha seedha laitain. Ulta laitny sy guraiz karain
• Raat ko Soty waqat Khulay kapray pehnain.
• Reshmi Kapray ki bed sheets ka istemal na karain
• Jinsi muharrikat zarurat sy ziyad na krein.
• Apny zehni or jismani tanao ki satah ko kam karain
• Pursakoon rahain.
• Ziyada chatpati ghizaon sy parhaiz karain.
• Jinsi mawad dakhny sy guraiz karain.
• Apny sathi k sath sehatmand jinsi taluqat ustawar karain
• musht zani sy bachain.

Ilaaj: (Excessive Nocturnal Emission)

Hazam ke fail ko darust rakhein or khaney piney mein ahtiyat lazmi rakhein. Garm Cheezon ke khaney or ziyada khaney se parhaiz rakhein. Fehash or shahwani khiyalat ko dimagh mein jagah na dein. Soney se pehley pishaab pakhana se farig ho jana chahiye.

Qabz ki shikayat ho to hafta me 2 martaba qurs Mulayyin 3 adad raat ko sotey waqt doodh pao ser ke sath khila diya karein or Safoof moif 5 masha ya Akseer-e-Ahtalam 5 qurs subha ko doodh pao ser ke hamra dena bhi mufeed hai ya taranjbeen aadh ser ko raat ko pani me bhigo dein. Subha ko chaan kar sheer gao 2 ser mila kar pakain or jab Khameera kasaqawam ho jaye to Khameera ki tarha sontey se ghoont kar rakh lein.

1 tola dawa rozana es mein se subha ko khila kar sheer gao pao ser misri 2 tola shamil kar ke pilana chahiye. Chand roz mein shikayat rafa ho jaye gi or saboos Ispaghol ya Safoof asal asoos wala nuskha jo Jariyan ke biyan mein tehreer kiya geya hai.

Dina ya hab jadeed Jariyan 3-3 adad khana khaney ke baad doodh pao ser ke hamra khilana bhi faida mand hai ya behman sufaid 1 tola behman Surkh 1 tola saboos Ispaghol 5 masha samagh-e-arabi 6 masha magz tukham tamar hindi bariyan 1 tola salab misri 1 tola koot chaan kar misri hamuzan mila kar subha-o-sham 7-7 masha doodh pao ser ke sath dein or jo dawain Jariyan ke biyan mein tehreer hui hasb-e-zarurat dein.

 Parhaiz:

Gosht or garm cheezon se or masla dar gazaon se parhain karein. Andey, chatni, achaar, chai noshi ki kasrat or cigarette piney se or sharab khawari se or mithaion or saqeel cheezon ke khaney se parhaiz karein.

 Ghiza:

Ghiza halki or zod hazam honi chahiye or soney se 3 ya 4 ghantey pehley khana kha lena chahiye. Kadu, khurfa palak, tarai tinda, moong ki daal chapati ke sath dein. Doodh makhan ghee jis qadar hazam ho sakey istimaal me rakhey.

Ehtelam kitne Din Baad Hona Chahiye

Agar tandrust jawan majru shakhs ko mahiney mein 1 ya 2 martaba altalam ho jaye to us ko marz nahi khiyal karna chahiye q k ye mada toleed ki ziyadati se hota hai. Aisi surat me ilaaj ki nahi balkey shaadi ki zarurat hai.

For More visit: Ajmal Dawakhana