Brain HealthWaja-ul-Masana (Yani) Masana Ka Dard
Ilaaj Masana (Hakim Ajmal Khan)
Visical Spasm
Baaz oqaat peiru mein dard shuru ho jata hai jis ki waja se mareez nihayat pareshan hota hai.
Asbaab: Kabhi thandi cheezon ke kasrat-e-istimaal se Masana mein riyah paida ho kar dard ka bais hoty hain ya maqsad ki kisi bimari se ya qabz se aurton mein reham ki bimari se khasusan ikhtanaq-ul-reham ki wajah se ye shikayat ho jati hai.
Also, check: Maidy Ki Garmi Ka Ilaj
Alamaat: Peiru ke muqam par khachawat or dard maloom hota hai or bojh ya Pathri ki alamaat wagaira nahi hoti.
For More Information Contact Us: Call OR Whatsaap: 923210008963
Ilaaj: Aisi surat mein badiyan, anisoon, zanjabeel, podina khushk har ek 5 masha neem kofta kar ke pani mein josh de kar Khameera Banafsha 4 tola ya gulqand 4 tola mila kar subha ko pilana or sham ko badiyan 5 masha maweiz munaqqa 9 dana tukham kasoos 3 masha anisoon 3 masha zeera siyah 3 masha arq badiyan 12 tola mein pees kar shira nikal kar gulqand 4 tola Khameera Banafsha 4 tola mila kar ya Sharbat dinar 4 tola daal kar pila mufeed hota hai or ellaichi kalan 3 masha podina khushk 3 masha zeera siyah 3 masha Namak ta’am 3 masha zanjabeel 3 masha sab ko koot pees kar Roghan Babuna 1 tola mein mila kar pees kar Masana ke muqaam par neem garm zamad karein or gul tessu 1 tola podina khushk 1 tola zanjabeel 1 tola pani mein josh de kar Masana par natool karein ya mareez ko qamar tak garm pani mein bithaye or post Khashkhash ko gulab mein josh de kar es ko neem garm dard ke muqaam par takor karein or gul khatmi gul Banafsha akleel-ul-mulk barinjasuf har ek 1 tola ser bhar pani mein josh de kar or isey garm pani ke tapp mein daal kar mareez ko qamar tak bithaye. Ba’da Dard ke muqaam par roghan chanbaili ya Roghan susan 1 tola mein jund badastar 2 masha Hiltit 2 masha hal kar ke tila karein.
Parhaiz: Baad angaiz or thandi cheezon se parhaiz karein. Shalgham, gobhi, kadu, khurfa, palak, doodh, ard ki daal, matar lobiya, urdi chawal wagaira mizar ashiya hain in ke istimaal se ahtiyat karein.
For More Information Contact Us: Call OR Whatsaap: 923210008963
Ghiza: Gosht halwan, chapatti, tittar, bateir or chiriyon ka gosht garm masala daal kar or moong ya arhar ki daal chapatti ke sath khilain. Chai biscuit naan pao wagaira or karely ki tarkari hasb-e-adat dein.
Note: Agar es marz mein mamuli tadabeer se faida na ho or qabz ho to Roghan arandi 5 tola gulab 12 tola mein mila kar mareez ko pilain. Ta ke 2 4 dast aa kar tabiyat saaf ho jaye q k baaz dafa dast aney se ye shikayat rafa ho jati hai.