Silaan-e-Manni (Jariyan) Spermatorrhea

Hakim Ajmal Khan treatment for Jariyan (spermatorrhea)

Spermatorrhea

Es Marz Mien Mada Toleed Bila Irada Kharij Huwa Karta Hai.

Asbaab:

Aksar ye marz kasrat-e-majamat ya jalq ki adat ke bais azu-e-tanasul ke zaki-ul-his ho jany ki wajah se huwa karta hai. Lekin kabhi qabz ho jany se ya gurda masana ki kharaash or pathri ke bais or kabhi muqawi or garm ashiya ke kasrat-e-istimal se maslan sharaab ya gosht or chai wagaira ke kasrat se khaney piney ya shirini ziyada khaney se bhi ye shikayat paida ho jati hai.

Alamaat:

Jab gurdey ya Masana ki kharaash ya Pathri ya reig ke bais ho ya qabz ki wajah se ho to pishaab ya pakhana ke baad chand qatrey kharij ho jaty hain. Muqawi aghziya or garm ashiya ke istimaal se ho to aksar anzaal ho jaya karta hai. Lekin jalq ya kasrat-e-jama ke sabab se ho to mareez kahil or sust ho jata hai. Azaa-e-shikni ki shikayat hoti hai. Pishaab kartey waqt jalan or gudgudi si mehsoos hoti hai. Pishaab baar baar or ziyada miqdaar mein ata hai. Kamar mein dard hota hai. Dimaagh or pathey kamzor ho jaty hain or aam jismani kamzori ki shikayat hoti hai. Sar mein dard hota hai or chakar aaty hain. Mizaaj chirchira ho jata hai. Kaam kaaj karney mein dil ghabrata hai. Pusht par chiontian reingti hui mehsoos hoti hain. Hafiza kamzor or zehan kund ho jata hai. Neend purey tor par nahi ati. Qabz ki shikayat amuman ho jati hai or bhook nahi lagti. Mubashrat ki khawahish rafta rafta kam hoti jati hai. Baaz dafa baatil ho jati hai or adna tehreek se mehaz masaaj karney se bila dakhool ke hi anzaal ho jata hai. Kabhi pajama ki ragar ya kisi aurat ke deikhney se ya jama ka kheyal karney se hi anzaal ho jata hai. Aisa mareez logon ki musahibat or majalast se mutnafar or mutahash ho kar takhliya or tanhai pasand ho jata hai.

 Ilaaj:

Agar hazima zaeef ho ya qabz ki shikayat ho to es ka munasib ilaaj karein. Gurdey or Masana ki kharaash ya Pathri or reig ki wajah se ho to es ka munasib ilaaj karein. Khalq ya kasrat-e-jama ki wajah se ho to in adaat ko tark karein or garm ashiya ke khaney piney se ho to es se parheiz karein or bator dawa-e-kushta Qalai ek ratti 3 qurs majoon ard khurma ek tola ya majoon Mughaliz ek tola ya majoon piyaaz 9 masha mein mila kar subha ko khilain or sham ko laboob al-asraar 5 masha ya laboob Kabir 5 masha ya majoon kalan 5 masha ya majoon salab 5 masha mein kushta maslas 2 chawal khilain. Raat ko sotey waqt saboos Ispaghol 7 masha sheer gao pao ser nabat sufaid 2 tola ke hamra phanka diya karein. Ya subha ko Safoof asal asoos wala 5 masha khila kar upar se saboob Ispaghol 7 masha Katira 31 masha sheer gao pao ser mein misri 2 tola shamil kar ke pila diya karein or sham ko Safoof Mughaliz jadeed 1 tola sheer gao pao ser ke hamra phanka diya karein. Ya subha ko Safoof moif 5 masha sheer gao pao ser ke hamra khilain or sham ko salab misri 3 masha maghaz panba dana 3 masha ard sanghaar 31 masha misri 2 tola sheer gao pao bhar me pees kar garm karein jab misal harira ke ho jaye pila diya karein or hab Jadwar 1 adad pao bhar doodh ke sath ya hab jadeed Jariyan 3 adad khana khaney ke baad khila kar doodh pao ser pila dena bhi mufeed hai. Aam jismani kamzori ki wajah se ho to hab Jawahar 1 adad majoon Jalinoos Lolvi 5 masha mein mila kar ya kushta Nuqra jadeed 2 chawal ya 1 qurs dawa-ul-misk Motadil Jawahar wali 5 masha mein mila kar ya kushta tila kalan 2 chawal ya kushta murakab qurs laboob Kabir 5 masha mein mila kar khilana bhi mufeed hai. Ya salab misri 1 tola bansluchan 1 tola gond chaniya 1 tola sat gulu 1 tola dana ellaichi khurd 1 tola nabaat sufaid 2 tola sab dawaon ko koot chaan kar Safoof banain. Raat ko sotey waqt 7 masha Safoof phanka kar sheer gao pao ser mein misri 2 tola mila kar pila diya karein or ye nuskha bhi mufeed hai. Beijand gujrati 1 tola tukham malal 1 tola khar khank khurd 1 tola tilmakhana 2 tola andar jo shirin 2 tola Sapistan 2 tola sab ko koot chaan kar misri hamuzan mila kar Safoof banain or 1 tola Safoof subha ko taza pani ke sath phankain.

Digar Nuskha: 

Jo Jariyan ke liye mufeed hai. Baiza murgh 4 adad ma’a zardi or sufaidi ko khoob phaint kar ek chini ki rakabi me phila kar khushk kar lein. Ba’ada maida lakri 3 tola saboos Ispaghol 2 tola nabaat sufaid 4 tola pees kar milain. Subha ko rozana 6 masha doodh ke sath khilain.

Digar do dahi khurd 2 tola barg babool khushk 2 tola koot chaan kar misri hamuzan mila kar Safoof banain. Khurak 1 tola gaye ke doodh ke sath bawaqt khawab digar saboos Ispaghol satawar har ek 5 tola nabaat sufaid 10 tola koot kar Safoof banain. 1 tola rozana es mein se khilain.

Digar mochras, chaliya maghaz tukham tamar hindi tukham utangan 2-2 tola sang-e-jarahat pakhan beid 1-1 tola katha sufaid, beijand gujrati, ajwain desi 7 masha sab ko koot chaan kar misri hamuzan mila Safoof banain. 7 masha Safoof doodh pao ser ke sath khila diya karein.

Parhaiz:

Garm or Tursh cheezon ki kasrat se or dhoop mein chalney phirney se riyazat or dimagi mehnat se parhaiz karein. Subha or sham hawa khuri karna or khaney piney mein aitadal rakhan zaruri hai. Sharab-o-Kabab or chai noshi or cigarette wagaira ke kasrat-e-istimaal se parhaiz rakhain.

For More Information Contact Us: Call OR Whatsaap: 923210008963